ಸಿಟಿ ಗೀತ
ಗಲಗಲ ಅಲುಗುತ್ತಿದೆ ಈ ನಗರ
ಬೆಳೆದು ಅಗಲಗಲ ಜಗದಗಲ.
ಇವತ್ತು ಬರ್ಲಾ, ನಾಳೆ ಆಗಲ್ಲ
ಪೈನ್ಕಿಲ್ಲರ್ ಮಾತ್ರೆ ತರ್ಲಾ, ಸಂಬಳ ಸಾಕಾಗಲ್ಲ
ಆ ಓನರ್ ಸರಿಯಿಲ್ಲ, ನೆಟ್ ಕನೆಕ್ಟ್ ಆ..ಗ್ತಿ..ಲ್ಲಾ..
ಅಮ್ಮ ಫೋನ್ ಮಾಡಿ ಅಂದಳು,
ಚೆನ್ನಾಗಿ ಬೆಳೆದಿದೆ ಹಾಗಲ, ಕಳಿಸಲಾ?
4
ಮೊನ್ನೆ ಬಂದವಳು ಅಂದಳು-
ಹೌದು, ಗದಗುಡುತ್ತಿದೆ ಶಹರ
ನಗ ತುಂಬಿದ ನಗರ
ತುಯ್ಯುತಿರುವ ಸಾಗರ.
ಈ ನಗರಿಗೆ ಹತ್ತಾರು ಕಂಪನಾಂಕ
ಅಂಕ, ಬಿಂಕ, ಎಲ್ಲದಕ್ಕೂ ಸುಂಕ
ಇಲ್ಯಾಕೆ ಊದ್ತೀಯೋ ಶಂಖ?
ನಾನಂದೆ-
ಇದೋ ಮೂಗು ಹಿಡಿದೆ ಅಮ್ಮಾ, ಕಣ್ಮುಚ್ಚು
ಈ ನಗರವ ಕೊಂಚ ಕಲಕಿಸಿದೆ
ಕುಡಿದುಬಿಡು.
----------------------
('ಪೇಟೆಯ ಪಾಡ್ದನ’ವನ್ನು ಪ್ರಕಟಿಸಿದ ಅವಧಿ ಮತ್ತು ದಟ್ಸ್ಕನ್ನಡ ಜಾಲತಾಣಗಳಿಗೆ ಕೃತಜ್ಞತೆಗಳು. ಲೋಗೊ ಕೃಪೆ-ಅಪಾರ)
4 comments:
ಸ್ವಾಮಿ ಸುಧನ್ವಾರೇ,
ಸಿಟಿ ಗೀತ ಮತ್ತು ಪೇಟೆಯ ಪಾಡ್ದನ ಚೆನ್ನಾಗಿದೆ. ಹಾಗೆಯೇ ಅದನ್ನು ಮೂಗು ಮುಚ್ಚಿಕೊಂಡು ಕುಡಿಯುವುದಿರಲಿ, ನುಂಗಿ ಬಿಡಬೇಕು, ಇಲ್ಲದಿದ್ದರೆ ನಗರ ನಮ್ಮನ್ನೇ ನುಂಗಿ ಬಿಡುತ್ತೆ, ಹುಷಾರ್.
ನಾವಡ
ಸುಧನ್ವ,
ಪಾಡ್ದನಗಳನ್ನ ಬಹಳ ಎಂಜಾಯ್ ಮಾಡುತ್ತಿದೇನೆ. ಇದನ್ನ ನೀವೆ ಓದಿದರೆ ಹೇಗಿರುತ್ತೆ ಅಂದುಕೊಂಡೆ. ಇದರ ಆಡಿಯೊವನ್ನ ನೀವೇಕೆ ಅಪ್ ಲೋಡ್ ಮಾಡಬಾರದು? ಇದು ಓದಲಿಕ್ಕೆ ಮಾತ್ರವಲ್ಲ ಕೇಳಲಿಕ್ಕು ಲಾಯಕ್ಕಾದಂಥದು.
-ಟೀನಾ
ಅಂಕ ಸುಂಕ ಕಂಪನಾಂಕ ..... ಅಳುಗಿಸಿತೆ ಕೊಂಚ?
ಕುಡಿಯೋದಂತು ಸೂಪರ್ :) ಶಹರೆತಿ ಜೀರ್ನೋಭವ
~ ಶಶಾಂಕ ಅರ್ನಾಡಿ
ಸಖತ್ತಾಗಿದೆ,ನಗಿಸ್ತಾನೇ ಎಲ್ಲೋ ಒಂದು ಸಣ್ಣ ವಿಷಾದ ಬೆರೆಸಿಬಿಡತ್ತೆ... ಕಲಕಿಸಿ ಕುಡಿಯೋ ರೂಪಕ ಅಂತೂ ಅದ್ಭುತ!
Post a Comment