April 11, 2010

ಅವಳ ಸ್ವ-ಗತ


ಒಂದಿಡೀ ದಿನ ನೆನಪಿಗೇ ಮೀಸಲಿಟ್ಟೆ
ಸುರಿದೆ ಪೋಣಿಸಿದೆ ನೂಲಿಲ್ಲದೆ !
ಒಂದೆಸಳ ತುದಿಯೂ ಕಪ್ಪಾಗಿಲ್ಲ
ಸೂಜಿ ಕತ್ತರಿ ತೋರಿಸಿಯೇ ಇಲ್ಲ
ಆದರೂ ಸಂಜೆ ನೀರಲ್ಲಿಡುವ ಮೊದಲು
ತೊಟ್ಟು ನೋಡಿಕೊಂಡೆ !

ಇರುಳ ಮಧ್ಯೆ ಆಗಾಗ ಬಂದ
ನನ್ನ ಅಕ್ಷಿಪಟಲದೆದುರು ನಿಂದ
ಕರುಳ ಬಳ್ಳಿಯ ಹಿಡಿದು ಮಿಡಿದ
ಅಕ್ಷತೆ ವೃಷ್ಠಿಗೆ ರೋಮಾಂಚಿತನಾಗಿ
ಬಿಗಿದ ಕೊರಳ ಬಳಸಿ
ಪುಷ್ಪಮಾಲೆಯೆ ಸುತ್ತಿದ

ಕೈ ಸೆಳೆದು ಹೊಟ್ಟೆಗೆ ಅಂಟಿಸಿಕೊಂಡ
ಹಾವಿನಂತೆ ನಾನು ಸುತ್ತಿದೆ
ಗಲ್ಲ ಹೆಗಲ ಮೇಲಿಟ್ಟು ಮುಖ ಅರಳಿಸಿ
ಚುಚ್ಚಿದೆ ತುಟಿ ಚೂಪು ಮಾಡಿ
ಎಕ್ಸಿಲೇಟರು ತಿರುಗಿಸಿ ಬೈಕು ಗಾಳಿಗೊಡ್ಡಿದ.

ವಲಸೆ ಹಕ್ಕಿಗೆ ಹತ್ತೇ ದಿನ
ತೊಂಬತ್ತೆಂಟು ಪಾಯಿಂಟ್
ತೊಂಬತ್ತೊಂಬತ್ತರಲ್ಲಿ ಮಾತಾಡಿದ
ಸರ್ಕಲಲಿ ಸಿಕ್ಕು ತಪ್ಪಿಸಲು ಹೆಣಗಿದ
ಹೊಸ ನಂಬರಿನ ಮೊಬೈಲ್ ಕೈಯಲ್ಲಿ
ಫಳಫಳ ಉಂಗುರ; ಕ್ಷಣ ಭಂಗುರ.
ವಾಹನಗಳ ಮಧ್ಯೆಯೇ ಅವಸರಿಸಿ ನಿಲ್ಲಿಸಿ
ಹೂ ಮಾಲೆ ನಾಲ್ಕು ಮೊಳ ಕೊಂಡುಕೊಂಡ
ಎಲ್ಲಿಗೆಂದು ಕೇಳುವುದು ಇನ್ನು ಸರಿಯಾ?

6 comments:

Anonymous,  April 12, 2010 at 8:41 AM  

ellige endu keluvvudu sariyo athava thappo ennuvudu aamelina prashne! adre haaage keluv hakku avalige idde ide allave?! hahahah gud one!

Anonymous,  April 12, 2010 at 9:17 AM  

ಅವಳಿಗೆ ಹಕ್ಕಿದೆ. anonymous-ಗೆ ಇಲ್ಲ! ಹಾ ಹಾ -ಚಂಪಕಾವತಿ

vikas negiloni,  April 19, 2010 at 5:38 AM  

simply superb, a huvinante taja. keep it up, sudhanva!
-vikas negiloni

Anonymous,  February 15, 2011 at 8:39 AM  

ಫಳಫಳ ಉಂಗುರ; ಕ್ಷಣ ಭಂಗುರ.

About This Blog

ಥ್ಯಾಂಕ್ಯು

ಥ್ಯಾಂಕ್ಯು

  © Blogger templates Psi by Ourblogtemplates.com 2008

Back to TOP