ಚಂಪಕಾವತಿ

ಯಲ್ಲಾಪುರದ ಹಳ್ಳಿಯಲ್ಲಿ ಹುಟ್ಟಿ , ಕವಿಭೂಮಿ ಧಾರವಾಡದಲ್ಲಿ ಬದುಕುತ್ತಿದ್ದ ರವೀಂದ್ರ ಮಾವಖಂಡ ಎಂಬ ಜವ್ವನಿಗ ,ಮೊನ್ನೆ ಮೊನ್ನೆ ಬೆಂಗಳೂರಿನಲ್ಲಿ ಕೆಲಸಕ್ಕೆ ಸೇರಿಕೊಂಡ ನಂತರ ಬರೆದಿರುವ ಈ ಸಾಲುಗಳು, ನಾವು ಮುಟ್ಟಿಮುಟ್ಟಿ ನೋಡಿಕೊಳ್ಳುವಂತಿವೆ ! ಓದಿ ಹೇಳಿ.

೧

ಅವ್ವ ರೊಟ್ಟಿಗೆ

ಗೋಧಿ ಹಿಟ್ಟನು

ಮಿದ್ದುತ್ತಿರುವಷ್ಟೇ

ಸಹಜ ಸರಾಗದಲ್ಲಿ

ನಾದುತ್ತಿದೆ ಎಲ್ಲರ

ಈ ಚರ ಶಹರ

ನೀಚರ ಶಹರ

೨

ಬಳಲುತ್ತಿದ್ದ ಬಾಳು

ಆಕಾರ ವಿಕಾರವಾದ

ವಿಷಾದ ಮರೆತು

ಬೇಯುತಿದೆ

ಈ ನಗರದ ಅಗೋಚರ

ಅಡುಗೆ ಕೋಣೆಗಳ

ನೂರಾರು ಕಾವಲಿಗಳಲ್ಲಿ

ಪಾಳಿಯಲ್ಲಿ ಧೂಳಿಯಲ್ಲಿ

ಎದ್ದು ಬಿದ್ದು ಅಲ್ಲಿ ಇಲ್ಲಿ.