April 26, 2008

ಗೋ.....ವಾ!

ಲ್ಲಿ ಇಲ್ಲದ್ದು ಇರಲಿಲ್ಲ. ಕೊಂಚ ಅತ್ತಿತ್ತ ಸರಿದರೂ ಆ ದಪ್ಪನೆಯ ಹಾಸಿಗೆ ಏರಿಳಿಯುತ್ತಿತ್ತು. ಸಮುದ್ರದಲ್ಲೇ ಇದ್ದೇನೋ ಅಂತ ಮಂಚದ ಕೆಳಗೆ ಕೈಯಾಡಿಸಿ ನೋಡಿಕೊಂಡೆ ! ಎದ್ದು ಟಿವಿ ಹಾಕಿದೆ, ಸರಿ ಹೋಗಲಿಲ್ಲ. ಬಾತ್‌ಟಬ್‌ನಲ್ಲಿ ಬಿದ್ದುಕೊಂಡು ಸ್ನಾನ ಮಾಡಿದ್ದು ಸರಿ ಅನಿಸಿರಲಿಲ್ಲ. ನಿಧಾನವಾಗಿ ದೊಡ್ಡ ಗಾಜಿನ ಬಾಗಿಲು ತೆರೆದು, ತೆಳ್ಳಗೆ ಬೆಳಕು ಹರಡಿದ್ದ ಬಾಲ್ಕನಿಗೆ ಹೋಗಿ ಸುಖಾಸೀನನಾದೆ. ಒಳಗಿನ ಎ.ಸಿ. ತಂಪಿಗಿಂತ ಆ ಹವೆಯೇ ಹಿತ ಅನ್ನಿಸಿತು. ಕಿವಿಗೆ ಐಪಾಡ್ ಸಿಕ್ಕಿಸಿಕೊಂಡು ಪದ್ಯಾಣದವರ ಯಕ್ಷಗಾನ ಪದ್ಯ ಕೇಳುತ್ತ ಅದೆಷ್ಟು ಹೊತ್ತು ಕುಳಿತೆನೋ, ರೂಂ ಬಾಯ್ ಹೊರಗಿಂದ ಒಂದೇ ಸಮನೆ ಬೆಲ್ ಒತ್ತುತ್ತಿದ್ದ. ಹಿಂದಿನ ಸಂಜೆ ನಾಲ್ಕರ ಇಳಿಬಿಸಿಲು. ನಮ್ಮ ಮನೆಯ ಅಂಗಳದಲ್ಲೇ ವಿಮಾನ ಓಡೋಡಿ ನಿಂತಂತೆ ಅನ್ನಿಸಿತು. ಹೌದು ಅದೇ ಕಲ್ಲು, ಹುಲ್ಲು, ಗಿಡ, ವಾತಾವರಣವೂ ಅದೇ. ಷಟ್ಲ್ ಹತ್ತಿ ಕುಳಿತರೆ ನುಣ್ಣನೆಯ ರಸ್ತೆ. ಗೋವಾದ ಏರ್‌ಪೋರ್ಟ್‌ನಿಂದ ಸಾಲ್ಸೆಟ್‌ನ `ಕೋಲ್ವಾಬೀಚ್'ನಲ್ಲಿರುವ `ರಾಮಡಾ ರಿನಾಯ್‌ಸೆನ್ಸ್ ಬೀಚ್ ರೆಸಾರ್ಟ್'ಗೆ ಅರ್ಧ ಗಂಟೆಯ ಹಾದಿ. ಎತ್ತರೆತ್ತರದ ಕಮಾನು ಕಟ್ಟಡಗಳೊಂದಿಗೆ ಅದು ೨೩ ಎಕರೆಗಳಲ್ಲಿ ಹರಡಿಕೊಂಡಿದೆ . ಅಲ್ಲಿನ ಈಜುಕೊಳದ ಮಧ್ಯೆಯೂ ಪುಟ್ಟ ಹೆಂಡದಂಗಡಿ ! (ಬಹುಶಃ ನೀರು ಬೆರೆಸುವುದೇ ಬೇಡ ಅಂತಿರಬೇಕು . ಹಿನ್ನೆಲೆಯಲ್ಲಿ `ತಾರಕ್ಕ ಬಾಟಲಿಯಾ' ಹಾಡು !) ಅಲ್ಲಿಂದ ಐನೂರು ಮೀಟರು ಸಾಗಿದರೆ ಸಾಗರ . ಅಡಿಗರು ಅಂದಂತೆಯೇ -`ಮಬ್ಬು, ಕಾಮಾಲೆ ಕತ್ತಲು, ಬಂದು ಮೈಮೇಲೆ ಅಬ್ಬರಿಸಿ ಎದ್ದೆದ್ದು ಬಿದ್ದು ಬೊಬ್ಬಿರಿದಲೆವ ಕಾರ್ಮೋಡ/ ಕುಡಿದುಬಿಟ್ಟಿದೆ ಕಣೋ, ಕಡಲ ಪಡಖಾನೆಯಲಿ ನೊರೆಗರೆವ ವ್ಹಿಸ್ಕಿ ಸೋಡಾ!

]'ಸಮುದ್ರ ಮಧ್ಯೆ ಬೋಟು ನಿಲ್ಲಿಸಿ, ದೂರದಲ್ಲಿ ಡಾಲ್ಫಿನ್‌ಗಳನ್ನು ತೋರಿಸಿ, ಯಾರು ಹಾರುತ್ತೀರಿ ಸಾಗರಕ್ಕೆ ಅಂತ ಪ್ರಶ್ನೆ ಕೇಳಿದರೆ ಮೊದಲು ಹೂಂ ಅನ್ನುವವರಿಗೆ ಜಂಘಾಬಲ ಗಟ್ಟಿಯೇ ಬೇಕು. ಆ ಗುಜರಾತಿನ ಹುಡುಗಿ ಶಿವಾನಿಗೆ ಎಂಥಾ ಹುಚ್ಚೋ ಏನೋ, ಲೈಫ್ ಜಾಕೆಟ್ ಕಟ್ಟಿಕೊಂಡು ಮೊದಲು ಧುಮುಕಿದ್ದು ಅವಳೇ. ನಂತರ ನಾವೆಲ್ಲ ಮೆಲ್ಲ ಬೋಟಿನ ಸೈಡಿಗೆ ಹೋಗಿ, ಕಾಲ ಬೆರಳಿಗೆ ಮೊದಲು ನೀರು ಸೋಕಿಸಿಕೊಂಡು ಮೇಲಕ್ಕೆತ್ತಿ, ಪುನಃ ಪಾದ ಮುಳುಗುವಷ್ಟು ಸೊಂಟ ಜಾರಿಸಿ, ಮತ್ತೆ ಮೇಲೆ ಬಂದು, `ತುಮ್ ಕೂದ್‌ನಾ ಚಾಹ್‌ತೇಹೋ?' ಅಂತ ಪಕ್ಕದವನಿಗೆ ಹೇಳಿ, ಲೈಫ್‌ಜಾಕೆಟ್‌ನ್ನು ಮತ್ತೆ ಬಿಚ್ಚಿ ಗಟ್ಟಿಯಾಗಿ ಕಟ್ಟಿಸಿಕೊಂಡು, ಬೆನ್ನು ಬೋಟಿಗೆ ತರಚಿಕೊಳ್ಳುವಂತೆ ...ದುಡುಂ.

ಸ್ಕಾರ್‍ಲೆಟ್‌ಳ ನಿಗೂಢ ಸಾವಿನ ಪ್ರಕರಣ ಪ್ರಪಂಚದಾದ್ಯಂತ ಅಲೆ ಎಬ್ಬಿಸಿದ ಮೇಲೂ ಗೋವಾಕ್ಕೆ ಬರುವ ವಿದೇಶಿ ಪ್ರವಾಸಿಗರ ಸಂಖೆಯಲ್ಲಿ ಕಡಿಮೆಯೇನೂ ಆಗಿಲ್ಲವಂತೆ. ಎಲ್ಲೆಲ್ಲಿ ಹೋದರೂ ಅವರೇ. ರಸ್ತೆಗಳಲ್ಲಿ ಬೈಕ್ ಓಡಿಸುತ್ತಾ, ಸೈಕಲ್ ತುಳಿಯುತ್ತಾ, ತೀರಗಳಲ್ಲಿ ಮೈಬಿಚ್ಚಿ ಸೂರ್‍ಯಸ್ನಾನ ಮಾಡುತ್ತಾ, ಎಲ್ಲೆಲ್ಲೂ ಅವರ ಹಿಂಡು.

ರಾತ್ರಿ ತೀರ ಸಾಗರದಲ್ಲಿ ಸಿಕ್ಕಾಪಟ್ಟೆ ಗೌಜಿ. ಡೀಜೆಯಂತೂ ಒಂದಾದಮೇಲೊಂದರಂತೆ ಹಾಡುಗಳನ್ನು ಪ್ಲೇ ಮಾಡುತ್ತ ಅಬ್ಬರ ಹೆಚ್ಚಿಸುತ್ತಿದ್ದ. ಸಾಗರಕ್ಕೂ ಉಬ್ಬಸ. ಉದ್ದ ಜಡೆ ಕೂದಲು ಬಿಟ್ಟುಕೊಂಡಿರುವ, ನಾಲ್ವರು ಕುಳ್ಳಗಿನ ಕರಿಯರ ಡ್ಯಾನ್ಸ್-ಕಸರತ್ತಿನಿಂದ ಕಾರ್‍ಯಕ್ರಮ ಆರಂಭ. ದೈಹಿಕ ಕಸರತ್ತು, ಬೆಂಕಿಯೊಂದಿಗೆ ಆಟ, ಸಮತೋಲನದ ವಿದ್ಯೆಗಳು ಹೀಗೆ ಏನೇನೋ. ಅದರ ಮಧ್ಯೆ ಅತ್ತಿತ್ತ ಕೆಲವರ ತೀರ್ಥಾಟನೆ . ಹಾ, ಹೇಳಲು ಮರೆತೆ, ಆಗ ಪತ್ರಿಕಾಗೋಷ್ಠಿ ಅಂತೆ ! ಕತ್ತಲು ಗಾಢವಾಗಿ ಹಬ್ಬಿಕೊಳ್ಳುತ್ತಿತ್ತು. ಎಲ್ಲರ ನರ್ತನದ ಹೆಜ್ಜೆಗಳಿಗೆ ಏಕತಾನತೆ ಬಂದಿತ್ತು. ಛೇ ಗೋವಾದಲ್ಲೂ ಬಹಳ ಬೇಗ ಬೆಳಗಾಯಿತು.

9 comments:

haya April 27, 2008 at 1:05 PM  

Nice article dude..
but something missing..
"Go...vaa" antha title nodi goada bagge tumba information iruthe andkondidde.. Anyway article is average, photos 5 star..

Anonymous,  April 29, 2008 at 2:19 AM  

pictures were gud sud. But u were missing in it. Ennu BHAVUKATHE vyktawagiddare chennagirtittu

Anonymous,  April 29, 2008 at 2:20 AM  

pictures were gud sud. But u were missing in it. Ennu BHAVUKATHE vyktawagiddare chennagirtittu

Anonymous,  April 29, 2008 at 2:21 AM  

pictures were gud sud. But u were missing in it. Ennu BHAVUKATHE vyktawagiddare chennagirtittu

Unknown April 29, 2008 at 9:34 PM  

HI ,
Increase your revenue 100% of your blog bye converting into free website.
Convert your blog "yourname.blogspot.com" to www.yourname.com completely free.
Become proud owner of the (.com) own site .
we provide you free website+ free web hosting + list of your choice of
scripts like(blog scripts,CMS scripts, forums scripts and may scripts)
all the above services are absolutely free.
You can also start earning money from your blog by referring your friends.
Please visit www.hyperwebenable.com for more info.
regards
www.hyperwebenable.com

ವಿನಾಯಕ ಕೆ.ಎಸ್ April 30, 2008 at 4:19 AM  

go....va prayaasada alalla pravaasada kate chenaagide. photo superb

Anonymous,  May 4, 2008 at 10:12 PM  

ಸುಧನ್ವ,
ಲೇಖನ ಓದಿ ಖುಶ್ಯಾದ್ರು, ಸೊಲ್ಪ ಹೊಟ್ಟೆಕಿಚ್ಚು ಕೂಡ ಆಯ್ತು ಕಣ್ರಿ. ಅಷ್ಟು ಚನಾಗಿದವೆ ಫೋಟೋಗಳು. ಬರಹ ಕೂಡ ಕ್ರಿಸ್ಪೀಯಾಗಿದೆ, ಶೃಂಗೇರಿ ಚಿಪ್ಸಿನ ಹಾಗೆ!!
ಟೀನಾ

Anonymous,  May 5, 2008 at 8:06 PM  
This comment has been removed by a blog administrator.
Anonymous,  May 5, 2008 at 8:33 PM  

'ಹಯ'ವದನರಿಗೆ, ಇನ್ನೂ ಸೆಂಟಿಮೆಂಟಲ್ ಆಗಿರಬೇಕೆಂದ ಅನಾಮಿಕರಿಗೆ ಥ್ಯಾಂಕ್ಸ್.

ಪ್ರಿಯ ವಿನಾಯಕನಿಗೆ ಕೈಎತ್ತುವೆ !

ಬರೆಹದ ಓರೆಕೋರೆಗಳನ್ನು ಖಚಿತವಾಗಿ ಗುರುತಿಸಬಲ್ಲ ಟೀನಾರಿಗೆ ನಮಸ್ಕಾರ.

ಮಾಮೂಲಿ ಫೋಟೊಗಳನ್ನು ಸೂಪರ್ಬ್ ಎಂದು ಮಾನ ಕಾಪಾಡುತ್ತಿರುವ ಎಲ್ಲ ಓದುಗರಿಗೆ ಶರಣು ಶರಣಾರ್ಥಿಗಳು.
- ಚಂ

About This Blog

ಥ್ಯಾಂಕ್ಯು

ಥ್ಯಾಂಕ್ಯು

  © Blogger templates Psi by Ourblogtemplates.com 2008

Back to TOP